去屆冠軍曼城上周六在溫布萊球場舉行的英格蘭足總盃準決賽，憑著貝拿度施華在完場前6分鐘的入球，以1：0力挫另一支英超隊伍車路士，率先晉級決賽，車仔則歷來第十一次在4強止步。

　　藍月亮今戰有前鋒夏蘭特受傷缺陣，由艾華里斯替代掛帥，藍戰士則由積臣任箭頭；曼城在控球率（62%對38%）雖明顯佔優，但射門（14射3中龍對10射5中龍）卻未能佔太多甜頭；事實上，藍月亮表現只屬一般，球隊仍未走出在歐冠聯8強遭西甲皇家馬德里淘汰的陰霾，尤其是上半場，竟無1記中龍攻門，到下半場，演出才稍有好轉，終把握1次機會獲勝；而車仔儘管敗陣，但表現其實不差，有數個入球機會，但都錯失了，特別是積臣，否則，車仔應有機會取勝。

　　曼城在開賽後14分鐘獲罕有入球機會，科頓切入攻門扭過車仔門將比杜域，但因角度太窄，在右邊底線傳中，被古居利拿頂出解圍。到29分鐘，積臣單刀埋門，但卻遲遲不起腳射門，後扭過曼城門將奧迪加但未有射空門，反而欲傳交高爾彭馬射門，但被阿基快一步解圍。其後，高爾彭馬有1次攻門機會，但被奧迪加撲出，半場兩無紀錄。到下半場，只是4分鐘，車仔再錯失入球良機，積臣禁區邊射門，奧迪加擋橫，高爾彭馬右路傳中，積臣近門頭槌攻門，但又太正被奧迪加擋出。到11分鐘，基亞利殊明顯在禁區內犯手球，但球證未有判罰12碼。及後，後備出戰的杜古的射門被比杜域閂出。直至完場前6分鐘，迪布尼左路傳中，比杜域擋出不遠，貝拿度施華遠柱射入，藍月亮就憑此入球氣走車仔。

　　米蘭打吡撐國米取勝奪冠

　　意甲聯賽周一上演1場榜首大戰，由次席的AC米蘭主場迎戰一哥國際米蘭；儘管是榜首大戰，但兩隊積分差距巨大，國米實力稍為佔優，加上今仗贏波便可提前封王，相信球隊仍會全力求勝，在死敵面對捧盃。

　　國際米蘭在意甲以32戰得83分居首位，領先排次席的AC米蘭達14分，國米今場米蘭市打吡戰只要取勝，便可提早5輪稱王；當然，以國米實力，奪冠是遲早之事；但因今戰屬A米主場比賽，國米自然希望在死敵面前奪魁，故今仗求勝決心無疑問；事實上，球隊近5次與紅黑兵團交鋒都獲勝，加上近況不俗，可望擊敗剛在歐霸盃出局的A米；其他比賽可以敲羅馬、西維爾。